قولنا كيف عيدك ..~

11-25-2009

قولنا كيف عيدك ..~

السلام عليكم ..~

غير مسجل ~> نورت الموضوع ياهلا ويامرحبا

كل عام وانتم بالف خير وينعاد عليكم بالف خير وصحه وسلامه ..

صراحتن من الملل اللي احسه هاليومين واللي اشوفه بس فيني لان الناس مبسوطين ماشاء الله

مدري سبحان الله اول مره اصير قبل العيد تسذا مالي خلق وبس نايمه ..

المهم ماني باثرتن بكلامي كثير باقول وش عندي ..

يعني كلنا عند عيد الاضحى ووناسه

وهو مايختلف من منطقه لمنطقه الا يختلف من عايله لـ عايله ..

انا باقولكم كيف عيدي .. وترى هو من كل سنه لسنه يطفون بشي جديد العائله الموقره

يعني سنه يطري لهم نخيم وسنه نطلع لمزرعة ابوي واحيان استراحه واحيان كلً ينطق في بيته احسن له ههههههههههه

المهم هالسنه بنطس لـ"خوالي بالرياض " انواع الملل

بس خل احكيلكم من امس وش صار ابوي يتصل ع اخوي هاه متى بتجي عشان تجيب الذبيحه من المزرعه
ونحطه مدري وين

وامي ضفي شناطتسن مانتن فاضيات هاليومين وامس عصبت علي ولا غصب ودتني اشتري لبس وقصم قالت ماتنامين تروحين ههههههههه

واروح لسوق وحالتي كسيفة فيني نوم واول مادخلت بيرشكا اخذ بلوزه وادخل سترآدافاريوس واخذ جينز واطلع واقول يماااه يله البيت بنام خلصت

وامي قالت عاجبك قلت ايه قالت كيفتس يالله
المهم نرجع محور الحديث

اليوم تقريبا جهزوا كل شي ..

طبعا استحاله ليلة العيد ننام مانعرف ههههههههه

نقعد نتقهوى طبعا تجتمع العايله ونسولف ونضحك |> يعني تبكون هههههههههههه

لـ حد الساعه 12 او 1 امي وابوي ينامون واخواني يطسون لشللهم وربعهم

والصغارين ينامون واقعد انا اواختي مشغلين الاغاني والمسن وشوي نضبط اعمارنا نجهز لبسنا

وشوي نسوي بروفة مكياج ~> شغل بنااات مايخلص ع قولة ابوي هع

ثم لاذن الفجر يبداء هياط اووب طبيعي بالبيت صراخ وازعاج ثم نفطر الا امي وابوي

يقولون نقتدي بالرسول مانفطر الا ع الضحيه ثم امي تجهز ادوات الحرب مع الذبيحه وابوي يلبس لبس المجرمين

ثم يذبحونه انا مايقهرن ويحزني ويؤسفني الا لاجابوه يذبحونه يحطون السكين ع رقبته ربع ساعه
وين وين هاه هنا لا تعال منا وين المسن ~> مو ماسنجر ههههههه
شي ثاني اسمه عندنا تسذا

ثم امي تاخذ تسوي فطور وتوزع لحم ع الجيران
اللي مانعرفهم الا بالعيد هههههههه

بينما مي وخواته يرتبون البيت وبيخرونه عقب الذبيحه الوسخه ~> اووت

انا والله نسيت مدري هم يصلون قبل يقتلون الذبيحه ولا بعد

بس المهم ان لاجوا من الصلاه عايدناهم بس سبحان الله هاللحظه لازم تخقني العبره مدري ليه

المهم بعدين نصلي الظهر ونروح نتغدى في بيت عمي ولااذن العصر جينا لبيتنا ضفينا عفشنا طسينا لرياض

عيدنا العام تسذا وهالسنه بيصير نفسه بعد

طبعا يكون بالليل عشا عند خوالي وفله مجتمعين ثم من بكره الفجر نطلع للمزرعه او البر

خوالي 10 ضحاياهم كثار ههههه وكل واحد يضحي لجد ابو جد جد زوجته وام ابوه وعمتها شيخه الله يرحمها

اكوس شي وهم يذبحون وحنا نصور مشاهد الدماء هع

ونشوي ونستهبل والدبابات بس 2 يومين بعدين لاجوا الحجاج مدري متى نرجع للقصيم

وترجع الدراسه وغثاها

ادري ازعجتكم بكثر كلامي

بس اللحين كل من درعم ع الموضوع يقولي كيف عيده ..

~> يامصاااالتس ع هالكلام

بذمتكم ردوا لاتحطموني ههههههههه ترانا ع ابواب العيد فرحوني شوي

~> مناااك

وشصمه نسيت لاقولكم

انا احبكم :$

وبعد اعذروني ع الالوان الزفت ترى قبل مانسق بس ايقالي
زينته حبيت مايكون لون الا وبوه بمناسبه العيد ههههههه
r,gkh ;dt ud]; >>Z hg;,k juhg v,um ud]; r,gkh ;dt

11-25-2009

ههههههههههههههه
ههههههههه
ههههه

وربي انتي وعيدك وناااسه

برد على موضوعك بس مو الحين

لي رجعه عن قريب

مجرمين وحرب هههههههه

سلااااااام

11-25-2009

هههههههه

الله ع عيدكم..

لي عوووده..

غلاااااي..

11-25-2009

بسم الله الرحمن الرحيم .

عيدنا السنه غير عن كل الاعياد

السبب . هذا اول عيد اضحيه نتعيدهـ بدون الوالد

الله يرحمه ويسكنه جناته

وعن يوم العيد

نصلي صلاة العيد

بعدها نروح للمقبره نسلم على الوالد الله يرحمه

بعدها نتجه للمزرعه انا واخواني واعيال عمي

ونبدأ ذبح الضحايا والسنه هذي الله

يعين الضحايا عددها 12 اضحيه

قبل اشوي نزلنا اربع ضحايا في الحوش

بعد الذبح اكيد نفطر من الكبده

وبعدها ارووح لدوااام ههههههه

لاني هذي السنه مكلف الله يعين بس

ثاني يوم العيد عندنا اجتمااع

يبدأ من الصباح وينتهي من بكرى الصباح

وناسه ولعب بلوووت

ثالث ايام العيد بالدوااام هع

وهذا عيدي انا السنه هذي

تشااااااااو

11-25-2009

ان شاء الله
يعطيكي العافيه اخيتي على الطرح الرائع

هذي اول سنه اعيد خارج جده راح نعيد في المدينه المنوره يعني صلاه العيد في الحرم ويا محلاها
بعد الصلاه نوزع الهدايا على الاطفال في الحرم تخيلو زحمة الورعين حولك هههههههه رجه بقوة في طفل ما اخذ وناشب في حلقك
بعدين ترجع البيت ويبدى ابوي الله يحفظه شغله المفضل هو واخوي الذبح والسلخ يا الله على الخروف المسكين
بعدها يوزع اجزاء من الضحيه ويتم عمل الافطار من قبل الوالدة الله يطول في عمرها لازم ابوي ما يفطر الامن يد الولدة
بعد الظهر التجمع في بيت ابوي مع اخواني واخواتي الغداء عند ابوي وما اصدق يطلعو هم وعيالهم حتي انظف البيت وانام
في الليل يا نتمشى او نتجمع مع بعض وسلامتكم

11-25-2009

بسم الله الرحمن الرحيم
السلام عليكم جميعا وكل عام وانتم بخير
رووووووووعه حشى معركه عندكم مو عيد
انا عيدي هالسنه غير لعدة أسباب اولها اني صار لي4 اشهر وعيدي غير
ومافي شيء جديد زوجي بيذبح ويسلخ برا وهو متكفل بالطبخ اهم شيء اني مابذل جهد على قوله وانا بصراحه مابي اشوف لا لحم ولاخرفات<<أتوحم<الرجال لايقروووونالمهم عيدنا نوم واذا تمشينا رحنا الكورنيش ولا السوق <<مافارقه
المهم اعجبني عيدكم في معارك وحركات
هذا عيدي لوصار شيء جديد بعلمكم بس عيد غير مع زوجي والي بكرشي ههههههههههههههه

11-26-2009

فـديتكـ روعـــه ع الموضوووع النآآآآآيس
وفديت حروبكـم الداخليه هههههههه ^_^

امممممممم>>ماتعرف تسوي مقدمآآت هع
عيد الاضحى كالعاده بالبيت الأبيض>>لايرووح فكركم بعييييييد هههههههه
البيت الابيض اقصد بيت جدي الذي يقع بالمدينه >>حشى مسويه مدرسه جغرافيا آووووووت
كل خالاتي يكونو مجتمعين هناك وربي قمة الونآآآآآآآآآسه والصرقعه
تبعاً لازم من بدري تبدأ مرحله الميك آب واللبس بحكم الزحمه اللي مسوينها ببيت جدتي
هذي السنه عيدنا غير شكل نآآآآوين نخربها هههههههه
اتفقنا كلنا طبعا انا وبنات خالاتي نلبس لبس بدوي>>مدري وش نحس فيه
والله كل مانشوف اللبس علينا نتسطح ضحك
قلنا يالله خلي الخلق تنبسط وتضحك ع حسآآآآآب النيوو لووك اللي عاملينوو بنفسنا ..
الله يعينا ع الحــش اللي بيجينا
اما بالنسبه للذبيحه ماعمري شفت ذبيحه تنذبح قدامي ولا كنت مدفوونه من زمآآآآآآآن
يجيبوها وهي خلاص مذبووحه وتبعاً لازم نرووح الاستراحه بثاني يووم بالعيد ..
ونجلس 4 أيام ونرجع لجده
وبـــــسسسسسسسسسس

توتا توتا خلصت الحتووووته ..

11-26-2009

هههههههههههههههههههه

احنا يام العيد ثل العاده اول يوم نفرفر منا ومن

للجيران بعد صلاة العيد

وثاني يوم يبد ا كل شي

يابمزرعه يا باستراحه

بس انواع الفله والهبال

ومايبقى شي مانسويه يالبنات <<<ههههه كاحسبت حساب الاولاد والبزوره :d

تشكرات لتس :d

..

11-26-2009

اولا اشكرج على الموضوع الحلو مثل صاحبه

ثاني اخوي ملك بلا مملكه الله يرحم ابوك ويسكنه الفردوس ان شاء الله

انا عيدي اذا ماكنت حاج اسافر بس قبل لا اسافر اروح اودي اهلي للمزرعه واخذ شنطتي واروح للمطار طبعا قبل العيد بكم يوم اكون محدد الدوله اللي بروح لها <<<مراح اقولها الدوله هع هع

روح مع اصحابي ناخذ لنا كم يوم ونرجع هذا عيدي باختصار

بس اكثر شي اروح للحج

تقبلي تصفحي

شاكر لج على الموضوع

سي يو

احساس شاعر

11-26-2009

هلابك

أختي

روعه

بصراحه جدولكم للعيد قريب من بعض وبنفس الشئ مايختلف عنه جدولي ويمكن جدول الجميع

اولاً يطولي بأعماركم بعد صلاة الفجر مافي نوم سوالف مع الوالده والأخوان ووناسه مع صغار العائله ثم الصلاه وبعد الرجوع للصلاه يستلم الأضاحي أخوي (مدرس الأحياء) <<< قريب من شغلته هههههه بس عاد ثقيييييييل تقولون يصنع طياره ههههههههه وبعدها زيارات عائليه .. إلى هنا وافك الإرتباط من العائله واهيم مع نفسي في طلعات مع اخوياي او لحالي بس بالأغلب مع اخوياي بالرياض أو برى الرياض بس مانبعد بعيد

شكراً روعة الكون

والله يعيده عليكم جميعاً بموفور الصحه والعافيه..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

تعديل الإهداءات

قولنا كيف عيدك ..~

ჯ زاوية للتمرد ჯ