الدمعـه اللي لي اسبوعين خانقها
طاحت قصيدة غرام ، بروح مرثيه
وانا عشان أمسح الدمعـات اوثّقها
عسى دموعي تخفّف حرّ مـافيّـه
لو كل الاحــلام / نحلمها نحققها
ماكان شفت ، الفراق وجبت طاريه؟
( فارقت مجبور) مافكّرت افـارقها
لاشك حكم القدر مـايعرف النيّـه
من قبل ما احب ضحكتـها وارافقها
من قبل نار العنا .. تطغى على الفيّه
يوم ان شمس المعرفه لاح بارقها
حسّيت فيها / دلع طيبـه وعفويه
وبديت أرتّب من ابياتي وأذوّقها
واقول من ذوقها ماهي طبيعيـه
لين سرقتني غـلا واصبحت سارقها
وبدا غــلانا يزود شويّه شويّـه
شهرين لين استوت فيني مطارقها
وقيمة شهر من غـلاها دور حوليّه
ونكّست كل البيـارق من بيارقها
تفنى بيارق غرام لـ عين مهويّه
صارت تشفّق لـ وصلي واتشفّقها
ونبـادل الحــب حنيّـه بحنيّه
لكن ( ردا الحظ ) ضايقني وضايقها
يوم ابتدت قصّة الحــزن الحقيقيّه
يوم اشتكت والبكا والدّمـع مغرقها
وبان الخبر .. ياهي الاقدار مخفيه
حاولت اخفّف حزن روحي واروّقها
محروق لكن بكــاها زادني كيّـه
وصدّقت في حاجـةٍ ماكنت اصدقها
كيف [ الاوادم تموت وبعدها حيّـه ]
أو كيف تفلت من يديني، وانا اعشقها
أو كيف تعشقني وتفلت من يديّــه
أو كيف ابن عمها يقــدر يعلّقها
ياعل ابن عمّها تفنى مساعيــه
تأخيـرها حاجــةٍ ماكنـت طايقها
وشلون ابتحمل / الروحه بلا الجيه !
وشلون ابلقى / بـ هالارض ومناطقها
من فيـه عقل .. الملاك بحسن حوريّه
منهو يعوّض خفوقي .. حسن منطقها
منهو يزيد الحكي ، لمسات سحريـه
يوم اتبلّى على نفســي واضايقـها
تقول : ياعل مافيـك يحصل فيّــه!
ماني بقاوي عقب هــذي مفارقـها
ولاني بناقص تعب والروح مبليــه
ولاني أنــاني واقول .. الله يوفقها
واحيــان من حبها / كلّي أنانيــه
احيان لاجيت لجل الحشمــه اعتقها
تصيــح في داخلي مليون جنيّــه
ولو الرجــل ماتهزّه بنت عاشقها
ماكان دمعي يطيح ، لخاطر بنيّـه !!
dhug lki, tJJvp tdJih d'g~rih ? dhug d'g~rih tdJih JJJv]
06-18-2010
العرض العادي
